2025 жылғы 5 қараша күні «Лавровка орта мектебі» КММ-де учаскелік инспектор А.Н. Ашкеев мектептің педагогикалық ұжымымен алаяқтықтың алдын алу тақырыбында профилактикалық әңгіме өткізді. Кездесу барысында ол соңғы уақытта байланыс құралдары мен Интернет желісі арқылы жасалатын әртүрлі алаяқтық әрекеттерге байланысты қылмыстардың өсуі байқалатынын атап өтті.
А.Н. Ашкеев алаяқтықтың кең таралған түрлері туралы егжей-тегжейлі айтып берді:
телефон арқылы алаяқтық («туысыңыз қиын жағдайға тап болды», «банктің қауіпсіздік қызметі» және т.б.);
интернет-алаяқтық (жалған интернет-дүкендерден сатып алу, зиянды сілтемелер тарату, әлеуметтік желілердегі парақшаларды бұзу);
банк карталарымен жасалатын алаяқтық;
жұмысқа орналасу және несие рәсімдеу кезінде алаяқтық.
Киберқауіпсіздік, жеке деректерді қорғау және күмәнді қоңыраулар мен хабарламалар алған кезде сақтық таныту қажеттілігіне ерекше назар аударылды.
Учаскелік инспектор бөгде адамдарға банк карталарының нөмірлерін, SMS арқылы келетін кодтарды, жеке кабинеттердің құпиясөздерін еш жағдайда айтуға болмайтынын, сондай-ақ мессенджерлер арқылы «таныстардан» келген күмәнді өтініштер бойынша ақша аударуға болмайтынын қатаң ескертті.
Жаңалықтар
Алаяқтықтың алдын алу
Қаралды: 20
